Niðurstöður aðalfundar Haga hf. 7. júní 2019Meðfylgjandi má sjá niðurstöður aðalfundar Haga hf. sem haldinn var á Hilton Reykjavík Nordica þann 7. júní 2019. Fundurinn hófst kl. 09:00. Tillögur fundarins voru samþykktar svohljóðandi: - Ársreikningur (dagskrárliður 2)
Ársreikningur félagsins fyrir liðið starfsár, ásamt skýrslu endurskoðanda, var lagður fram og samþykktur samhljóða. - Ráðstöfun hagnaðar (dagskrárliður 3)
Tillaga stjórnar Haga hf. um greiðslu arðs sem nemur 50% hagnaðar ársins, eða 0,955 krónu á hlut, samtals 1.158,5 millj. kr., var samþykkt samhljóða. Arðsréttindadagur verður 12. júní 2019, arðleysisdagur 11. júní 2019 og útborgunardagur 27. júní 2019. - Kosning stjórnar og endurskoðanda (dagskrárliður 4)
Í upphafi fundar óskaði fundarstjóri eftir heimild fundar til að færa dagskrárlið 8, um kosningu stjórnar og endurskoðanda, framar í dagskrá. Var það samþykkt. Eftirtaldir aðilar voru kosnir í stjórn félagsins til næsta aðalfundar: Eiríkur S. Jóhannsson, f. 1968 (855.107.735 atkvæði) Erna Gísladóttir, f. 1968 (799.585.727 atkvæði) Davíð Harðarson,f. 1976 (799.584.235 atkvæði) Katrín Olga Jóhannesdóttir, f. 1962 (799.243.235 atkvæði) Stefán Árni Auðólfsson, kt. 210772-4729 (663.633.259 atkvæði) Samþykkt var samhljóða að endurskoðunarskrifstofan PricewaterhouseCoopers ehf., kt. 690681-0139, verði endurskoðandi félagsins fyrir komandi rekstrarár. - Þóknun til stjórnarmanna (dagskrárliður 5)
Tillaga stjórnar Haga hf. um að stjórnarlaun verði óbreytt, þ.e. stjórnarformaður fær greitt kr. 660.000,- á mánuði, varaformaður 495.000,- á mánuði og stjórnarmenn kr. 330.000,- á mánuði og að laun í undirnefndum stjórnar verði kr. 90.000,- á mánuði og að laun formanns verði tvöföld upphæð var samþykkt. Þá var samþykkt að nefndarmönnum tilnefningarnefndar verði greitt skv. reikningi 20 þús. kr. pr/klst. - Starfskjarastefna (dagskrárliður 6)
Fyrir fundinum lá tillaga stjórnar að starfskjarastefnu félagsins, en hún er nokkuð breytt frá áður samþykktri starfskjarastefnu. Lífeyrissjóðurinn Gildi lagði fram meðfylgjandi bókun. Starfskjarastefnan var samþykkt samhljóða á fundinum. - Starfsreglur tilnefningarnefndar (dagskrárliður 7)
Fyrir fundinum lá tillaga stjórnar að starfsreglum tilnefningarnefndar. Starfsreglurnar voru samþykktar á fundinum. - Kosning tilnefningarnefndar (dagskrárliður 8)
Samþykkt var samhljóma tillaga stjórnar Haga að þrír eftirtaldir fulltrúar verðir kjörnir í tilnefningarnefnd félagsins. - Ásta Bjarnadóttir, framkvæmdastjóri mannauðssviðs Landspítala
- Björg Sigurðardóttir, löggiltur endurskoðandi
- Símon Á. Gunnarsson, löggiltur endurskoðandi
- Ákvörðun um heimild stjórnar til kaupa á eigin bréfum (dagskrárliður 9)
Fyrir aðalfundi lá tillaga frá stjórn Haga hf. um að félaginu verði heimilt að kaupa á næstu 18 mánuðum allt að 10% af heildarhlutafé félagsins, í þeim tilgangi að koma á viðskiptavakt með hluti í félaginu og/eða til að setja upp formlega endurkaupaáætlun, skv. 116. gr. laga um verðbréfaviðskipti eða á grundvelli 1. tölul. 3. mgr. 115. gr. og 2. mgr. 119. gr. laga um verðbréfaviðskipti og reglugerða sem settar eru á grundvelli sömu ákvæða. Tillagan var samþykkt samhljóða. - Samkeppnisstefna Haga (dagskrárliður 10)
Fyrir aðalfundinum lá tillaga frá stjórn Haga hf. um samkeppnisstefnu félagsins. Var hún samþykkt samhljóða á fundinum.
|