Fagfjárfestasjóðurinn Landsbréf - BÚS I, Fyrirhuguð stækkun skuldabréfaflokksins BUS 56Fagfjárfestasjóðurinn Landsbréf - BÚS I, sem er í rekstri Landsbréfa hf., efnir til útboðs á skuldabréfum 14. febrúar næstkomandi. Boðin verða til sölu skuldabréf í flokknum BUS 56 fyrir allt að 5.000.000.000 kr. að nafnvirði.
Skuldabréfin verða seld á fastri ávöxtunarkröfu 3,55%. Áður hafa verið gefin út skuldabréf í BUS 56 að nafnvirði 8.100.000.000 kr. og hafa þau verið tekin til viðskipta á Aðalmarkað Nasdaq Iceland. Landsbankinn hf. sér um viðskiptavakt á eftirmarkaði með skuldabréfin. Í kjölfar birtingar uppfærðrar útgáfulýsingar og skráningarlýsingar er áætlað að greiðslu- og uppgjörsdagur útboðsins verði í viku 10-11. Sótt verður um að skuldabréfin verði tekin til viðskipta á Aðalmarkað Nasdaq Iceland hf. þann sama dag. Sjóðurinn mun tilkynna um fyrirhugaða stækkun í kauphöll með eins dags fyrirvara. Tilgangur útgáfunnar er eftir atvikum endurfjármögnun á hluta núverandi skulda og fjármögnun nýrra verkefna Búseta hsf. Markaðsviðskipti Landsbankans hafa umsjón með útboðinu og fjárfestar skulu skila tilboðum fyrir klukkan 16:00, fimmtudaginn 14. febrúar 2019, á netfangið: verdbrefamidlun@landsbankinn.is Útboðið er lokað og undanþegið gerð lýsingar, sbr. 1. mgr., 1. tl. c, 50. greinar laga nr. 108/2007 um verðbréfaviðskipti. Útgáfulýsingin og önnur skjöl er varða útgáfu framangreinds skuldabréfaflokks eru birt á vefsíðu sjóðsins; https://www.landsbref.is/skrad-skuldabref. Nánari upplýsingar veita: Ingvar Karlsson, sjóðsstjóri fagfjárfestasjóðsins Landsbréf - BÚS I, í síma 410-2518 eða í gegnum netfangið: ingvar.karlsson@landsbref.is Gunnar S. Tryggvason, s: 410 6709 eða í gegnum netfang Markaðsviðskipta Landsbankans vegna útboðsins: verdbrefamidlun@landsbankinn.is 
|