Icelandic
Birt: 2017-10-10 19:17:24 CEST
Eik fasteignafélag hf.
Aðrar upplýsingar sem birtar eru í samræmi við reglur Kauphallarinnar

Eik fasteignafélag hf.: Niðurstaða skuldabréfaútboðs

Eik fasteignafélag hf. ("Eik") hefur nú lokið sölu á tveimur skuldabréfaflokkum EIK 161047 og EIK 161023, en flokkarnir eru gefnir út í tengslum við endurfjármögnun skuldabréfaflokksins EIK 12 01. Heildareftirspurn nam samtals 11,5 milljörðum króna að nafnvirði í báða flokkana.

Skuldabréfaflokkurinn EIK 161047 er með 30 ára lánstíma og fylgir 30 ára jafngreiðsluferli. Voru skuldabréf boðin til sölu á fastri ávöxtunarkröfu 3,60%. Heildareftirspurn eftir skuldabréfaflokknum var að nafnverði 9,9 milljarðar króna. Var ákveðið að öllum tilboðum í EIK 161047 yrði tekið.

Skuldabréfaflokkurinn EIK 161023 er með 6 ára lánstíma og fylgir 25 ára jafngreiðsluferli. Voru skuldabréf boðin til sölu með hollensku fyrirkomulagi. Heildareftirspurn eftir skuldabréfaflokknum var að nafnverði 1,5 milljarðar króna og var vegin meðalávöxtunarkrafa tilboðanna 3,61%. Var ákveðið að öllum tilboðum í EIK 161023 yrði hafnað.

Samhliða útgáfu skuldabréfaflokkanna var ákveðið að draga á bankalán félagsins að fjárhæð rúmlega 2 milljörðum króna.

Íslandsbanki var umsjónaraðili útboðsins.

Nánari upplýsingar veita:

Garðar Hannes Friðjónsson, forstjóri, gardar@eik.is, s: 590-2200

Lýður Heiðar Gunnarsson, framkvæmdastjóri fjármálasviðs, lydur@eik.is, s: 590-2209 / 820-8980