Published: 2017-10-09 13:42:51 CEST

Eik fasteignafélag hf.: Útboð skuldabréfa

Eik fasteignafélag hf. efnir til útboðs á skuldabréfum, á morgun, þriðjudaginn 10. október. Boðin verða til sölu skuldabréf í tveimur nýjum skuldabréfaflokkum, EIK 161023 og EIK 161047, sem báðir eru verðtryggðir. Styttri flokkurinn, EIK 161023, er með sex ára lánstíma, fylgir 25 ára jafngreiðsluferli og verður boðinn til sölu með hollenskri aðferð, þ.e. öll samþykkt tilboð bjóðast fjárfestum á hæstu ávöxtunarkröfu sem verður tekið. Lengri flokkurinn, EIK 161047, er með 30 ára lánstíma, fylgir 30 ára jafngreiðsluferli og verður seldur á ávöxtunarkröfunni 3,60%.

Tilgangur skuldabréfaútboðsins er endurfjármögnun skuldabréfaflokksins EIK 12 01 sem verður greiddur upp þann 16. október næstkomandi, en fjármögnun þeirrar uppgreiðslu hefur þegar verið tryggð að fullu með lánum frá fjármálastofnunum. Skil áskrifta eru fyrir klukkan 16:00 á morgun, þriðjudaginn 10. október. Félagið áskilur sér rétt til þess að taka hvaða tilboði sem er eða hafna þeim öllum.

Íslandsbanki hefur umsjón með útgáfu skuldabréfanna ásamt því að sjá um markaðssetningu til innlendra fjárfesta.  Fossar markaðir sjá um markaðssetningu til erlendra fjárfesta.

Frekari upplýsingar veita:

-   Lýður H. Gunnarsson, framkvæmdastjóri fjármálasviðs, lydur@eik.is, s. 590-2209 / 820-8980

-   Fyrirtækjaráðgjöf Íslandsbanka, eik2017@islandsbanki.is, s. 440-4000

-   Steingrímur Finnsson, steingrimur.finnsson@fossarmarkets.com, s. 522-4000