Skeljungur: Árshlutauppgjör - annar ársfjórðungur 2017
Hagnaður eykst um 12,9% á öðrum ársfjórðungi, samanborið við sama tímabil árið 2016. Helstu niðurstöður annars ársfjórðungs 2017 - Hagnaður á hlut var 0,22 en var 0,17 á sama tímabili í fyrra.
- Framlegð nam 1.945 m.kr. og lækkar um 4,4% frá öðrum ársfjórðungi 2016.
- Rekstrarkostnaður lækkar um 149 m.kr. milli ára eða um 12%
- EBITDA hagnaður nam 876 m.kr. sem er 4,7% aukning frá sama tímabili ársins 2016.
- EBITDA framlegð var 45,0% miðað við 41,1% á sama tímabili í fyrra.
- Hagnaður eftir skatta nam 473 m.kr. samanborið við 418 m.kr. sem er 12,9% aukning á milli ára.
- Eigið fé þann 30.6. nam 7.781 m.kr. og eiginfjárhlutfall var 37,2% í ársfjórðungslok.
- Meðalgengi dönsku krónunnar var 15,5 íslenskar krónur, sem er 17,5% lækkun frá sama tímabili árið 2016.
Helstu niðurstöður fyrri árshelmings 2017 - Hagnaður á hlut var 0,34 en var 0,23 á sama tímabili í fyrra.
- EBITDA hagnaður nam 1.503 m.kr. sem er 5,3% aukning frá fyrri helmingi ársins 2016.
- EBITDA framlegð var 41,7% miðað við 38,7% á sama tímabili í fyrra.
- Rekstrarkostnaðarhlutfall var 59,7% samanborið við 63,2%.
- Hagnaður tímabilsins 728 m.kr. og eykst um 10,4% á milli ára.
- Uppreiknuð arðsemi eigin fjár á ársgrundvelli var 20,5% samanborið við 17,7% yfir sama tímabil árið 2016.
- Meðalgengi dönsku krónunnar var 15,8 íslenskar krónur, sem er 16,5% lækkun frá sama tímabili árið 2016.
Lykiltölur | Q2 2017 | Q2 2016 | Var% | 1H 2017 | 1H 2016 | Var% | Framlegð | 1.945 | 2.034 | -4,4% | 3.605 | 3.684 | -2,1% | EBITDA | 876 | 837 | 4,7% | 1.503 | 1.427 | 5,3% | EBIT | 687 | 666 | 3,2% | 1.124 | 1.078 | 4,3% | Hagnaður | 473 | 418 | 12,9% | 728 | 659 | 10,4% | | | | | | | | Launakostn./framlegð | 26,7% | 27,5% | | 27,6% | 29,0% | | Sölu og dreif.kostn./framlegð | 22,1% | 25,3% | | 24,1% | 26,0% | | Rekstrarkostnaður/framlegð | 56,3% | 61,2% | | 59,7% | 63,2% | | Arðsemi eigin fjár | | | | 20,5% | 17,7% | |
Horfur fyrir árið 2017 Í afkomuspá félagsins er gert ráð fyrir stöðugu gengi gjaldmiðla og stöðugu olíuverði. Breytingar á gengi íslensku krónunnar munu áfram hafa áhrif á rekstrarniðurstöður félagsins, sér í lagi gagnvart dönsku krónunni, vegna erlends hluta starfseminnar. Áður birt áætlun gerði ráð fyrir að EBITDA ársins yrði á bilinu 2.400-2.700 og að fjárfestingar yrðu á bilinu 750-850 m.kr. Þar sem afkoma félagsins hefur verið góð það sem af er ári og þar sem lengra er liðið á árið þá hefur félagið ákveðið að breyta afkomuspánni í EBITDA 2.550 - 2.750 m.kr. Ekki eru gerðar neinar breytingar á áætlunum um fjárfestingar ársins og bilið því áfram 750-850 m.kr. Árshlutareikningur annars ársfjórðungs 2017 Árshlutareikningur Skeljungs hf. fyrir annan ársfjórðung 2017 var samþykktur af stjórn og forstjóra félagsins á stjórnarfundi þann 28. ágúst 2017. Árshlutareikningurinn hefur að geyma samstæðureikning félagsins og dótturfélaga þess og er gerður í samræmi við alþjóðlega reikningsskilastaðla (IFRS). Árshlutareikningurinn hefur verið kannaður af endurskoðendum félagsins. Valgeir M. Baldursson, forstjóri Skeljungs: "Annar fjórðungur ársins var róstusamur, með kraftmikilli innkomu Costco á markaðinn, samrunaþreifingum markaðsaðila og töluverðum sveiflum á olíuverði og íslensku krónunni. Áframhaldandi aukning hefur verið í seldum lítrum og er niðurstaða árfjórðungsins góð. Báðar rekstrareiningar eru að bæta sig á milli tímabila en styrking íslensku krónunnar hefur áhrif á færeyska hlutanum. Endurfjármögnunin, sem lauk í lok fyrsta ársfjórðungs, skilar sér í umtalsverðri lækkun vaxtakostnaðar á fjórðungnum, auk þess sem rekstrarkostnaður félagins er að lækka þrátt fyrir kjarasamningshækkanir sem og almennar kostnaðarhækkanir." Kynningarfundur Opinn kynningarfundur vegna annars árshlutauppgjörs félagsins verður haldinn á Nordica Hilton Reykjavík, fundarsal D, þriðjudaginn 29. ágúst 2017. Fundurinn hefst kl. 08:30 en boðið verður upp á léttar veitingar frá kl. 08:15. Þar munu stjórnendur félagsins fara yfir uppgjör og horfur. Allt efni fundarins verður gert aðgengilegt fjárfestum á heimasíðu Skeljungs, www.skeljungur.is/fjarfestar, sem og á fréttasíðu Nasdaq Iceland. Fjárhagsdagatal 2017 Uppgjör 3F 2017 - 30. október 2017 Nánari upplýsingar veitir Valgeir M. Baldursson, forstjóri, s: 840-3022, tölvupóstfang: fjarfestar@skeljungur.is.
|